Desa Kalirejo, Wirosari, Grobogan – Masalah kesehatan balita pancen dadi perhatian tenanan kanggo Pemerintahan Desa Kalirejo, luwih-luwih sing gegayutan karo masalah gizi. Kanggo mesthekake kondisi wargane tetep kajaga, tenaga kesehatan desa nembe wae nglakoni kunjungan home visit menyang salah siji balita sing lagi ngalami masalah gizi (BGM – Bawah Garis Merah).
Sing ditekani yaiku dek An. Ibrahim Muhammad Alfariqzi, balita sing manggon ing wilayah Dsn Kalirejo RT 2 / RW 1. Kunjungan iki ora mung trimo niliki, nanging tujuane kanggo mriksa kondisi fisik, menehi edukasi marang wong tuwa, lan mesthekake asupan gizi si bocah bisa terpenuhi kanthi bener.
Rawuh langsung ing omah warga, yaiku para srikandi kesehatan desa kita :
Bidan Desa : Ibu Ninik Shovawati, Amd. Keb
Perawat Desa : Ibu Mahsunah
Loro tenaga kesehatan iki mriksa dek Ibrahim lan ngobrol santai karo ibuke kanggo ngerti pola makan lan asupan saben dinane, kondisine dek Ibrahim lagi lungguh ing pangkone ibuke, dene Bu Bidan lan Bu Perawat mriksa kanthi telaten.
Bu Ninik lan Bu Mahsunah uga menehi wejangan lan bimbingan marang ibuke dek Ibrahim babagan pentinge menehi panganan sing bergizi seimbang (PMT - Pemberian Makanan Tambahan) lan pola asuh sing sehat, supaya bobot awake dek Ibrahim bisa cepet munggah lan baline normal maneh.
Ing kesempatan liya, Plt Kepala Desa Kalirejo, Bapak Riali Santoso, SH, nyampekkne yen program kesehatan kaya ngene iki pancen dadi prioritas desa. Tujuane amrih kabeh balita ing Kalirejo sehat-sehat lan bebas stunting utawa gizi kurang.
"Kita kabeh kepingin generasi penerus Desa Kalirejo iki dadi bocah sing pinter lan sehat. Pemerintahan desa, lewat bidan lan perawat desa, bakal terus ngawasi lan nuntun para wong tuwa supaya luwih nggatekne gizi anak-anake," ujare Pak Riali Santoso.
Kerjasama kabeh pihak, mulai saka wong tuwa, tenaga kesehatan, nganti pemerintahan desa, pancen dibutuhake banget kanggo nyiptakake Desa Kalirejo sing sehat lan sejahtera.
Info
Sinergi Program
Agenda
Tgl
Tempat
Koordinator
Komentar
